Smartphone Heating Problem Ko Kaise Dur Kare / How to remove the smartphone heating problem

Smartphone Heating Problem Ko  Kaise Dur Kare / How to remove the smartphone heating problem

Dosto ! Aajkal sabhi mobile phones me chahe wo Apple ke Iphones ho Ya Android Phones ho ya Windows phone ho. Phone sasta ho ya mehga, usme ek problem sabhi users face karte hain wo hai “Smartphone Heating Problem”. Smartphone Heating Problem Ko Kaise Dur Kare. Chaliye Dekhte hain...

 Agar aapke bhi Smartphone ke sath kuch aisi hi problem hai to mai aapko iss post me bataunga ki Smartphone heat kyu hota hai. Kitna heat hona normal hai aur kitna abnormal. Aur sath sath yah bhi bataunga ki kaise aap apne phone   ke heating problem ko dur kar sakte hain.

Why Smartphones Heat ?

Dekhiye waise toh koi bhi electronic device ho, machine ho agar usko use karte hain toh wo heat jarur hota hai. Example ke liye aapki Car bhi heat hoti hai. Jisko cool karne ke liye Radiator laga hota hai.

Aur agar kisi Electronic device ke example ki baat kare toh sbse badhiya example hai Computer/Laptop.  Aapka Computer bhi heat hota hai. Aur heat ko bahar nikalne ke liye usme exast(Fan) Laga hota hai. Aur Motherboard me Processor ke upar Heat-Sink laga hota hai jo heat ko observe kar leta hai. Jisse aapke computer ka  processor lagatar kaam karta rhta hai.

Toh dosto ! Koi bhi machine ho ya electronic device ho. Chahe aap hammer se keel par bhi maare toh keel aur hammer ka head bhi garam ho jati hai.  Ab iss heating ke piche reason toh bahut saare hain. Toh agar electronic device yani ki Aapke Mobile phone  ke term me baat kare toh wo reasons kuch iss tarah se honge.

Smartphone Heating Reasons:

#1. Processor:

Dosto ! Processor aapke phone ka wo part hota hai jo phone ke sabhi kaam karta hai. Yahi phone aisa component hai jo hamesha chlta rhta hai. Chahe aap apna phone use kar rhe ho ya na kar rhe ho. Basically, Processors semi-conductors(अर्ध  चालक तत्व)  ka bana hota hai. Aur isme chhote chhote Electrons hote hain. Toh jab ye processor kaam karta hai tb Electronsidhar se udhar hote rhte hain. Aur un sabhi ke idhar uadhr hone se aapas me takkar bhi khate hain. Aur aapko pata hi hai jab koi bhi 2 chize aapas me takkar khati hain toh unme garmi aa jati hai. Matlb ki heat generate ho jata hai. Aur same chiz yaha bhi hoti hai.

Toh jitna hi teji se aapka processor kaam karta hai utna hi teji se Electrons Idhar se uadhr jate hain. Aur aapka phone bhi utna hi heat hota hai.

Heat toh generate ho gyi aur aapka smartphone hai wo Day by Day Slim hota ja raha hai. Toh jo heat generate ho rhi hai usko bahar nikalne ki jagah hi nahi mil pati hai. Aur fir wo heat phone ke body par feel hone lagta hai.

Waise normal use me aapka processor itna heat generate nahi karta ki aapko heat jyada feel ho.

#2. Overload:

Dosto ! Jo Dusra reason hai Phone heating ka wo hai Overload. Aur obvious si baat hai ki jab bhi aap kisi bhi machine se uske aukat se jyada kaam karawo toh wo galam hoga hi. 

Jaise agar aap apni Car ko 60 ke Speed me chlate hain toh kam garam hoti hai lekin jab aap usse jyada kaam lete hain matlab 160 kmph par chlate hai toh jyada heat hogi.

Thik usi tarah jab aapka phone normal mode me rhega toh heat aapko pata bhi nahi chlega. Lekin jab aap High-End ka game play karte hain  aur sath me koi downloading bhi kar rhe hain toh aapka phone heat hone lgta hai. Ya camera se Full HD, 4K video , slow motion video record kar rhe hain tab aapke processor par jyada load hota hai. Aur aise me heat hona normal baat hoti hai.

#3. Dense Batteries:

Phone ke heat hone me battery bhi ek reason hai. Kyuki aajkal ke phone ki batteries jyada se jyada power (mah) ki hoti hai wo kafi slim hoti hai. Toh isse kya hota hai ki jab bhi aap apne phone ko charge me lagate hain. Toh uss time par battery thodi heat hoti hai aur heat ko pure phone me failati hai.

#4. Ambient Temperature:

Dosto ! Ek aur point hai jo phone ko heat karne me ek 4^th reason hai. Khas taur se hamare India me jo normal temperature hota hai wo hota hai 35-40 degree celcius . Kabhi Kabhi toh usse jyada. Aise case me jab aap ghar bhi baithe hote hain toh aur apna phone nahi bhi use karte hain toh phone ka temperature 35-36 degree hota hai. Aur jaise hi aap apne phone ko use karte hain. Toh aapka phone bahut hi jaldi garam hone lagta hai.

#5. Poor Network Signals:

Kabhi kabhi hamare phone me network quality sahi nahi hoti hai. Fir bhi hum calls, internet par lge rhte hain. Toh dosto poor network quality ke wajah se bhi hamara phone heat karta hai.

Toh dosto yah 5 main reasons hai Smartphone ke heat hone me. Waise aajkal Uni-Metallic body wale phones ka trend hai. Jisme heat ki feeling jyada hoti hai jabki heat utna hi rhta hai wo bss metal hone ke wajah se jyada lagta hai.

Dosto ab baat karte hain ki “Kitna Heating Normal Hai aapke Smartphone Ke Liye”

How Much Heat is Normal For Your Phone?

Toh simple shabdo me mai kehna chahunga ki koi bhi phone 45-46 degree tk heat ho jata hai toh bhi wo normal heat ki category me aata hai. Toh aap usko overheating na samjhe. Dekhiye phone kitna bhi costly kyu na ho wo bhi heat hota hai chahe wo Iphone ho ya Samsung ka phone ho ya koi windows phone ho. Maine HTC 826 use kiya hai. Jiska camera on karne ke kuch der baad me hi itna heat hota hai ki uspe roti paka le. Infocus M810 bhi heat generate karta hai. Toh iska matlab ye  nahi ye phone bekar hain.

Toh dosto agar aapka phone bhi heat hota hai 40-45, 46 degree tak toh wo normal hai . Lekin agar aapka phone hmesa hi itna rhta hai toh woe k problem hai.

Overheat Ke Kya Nuksan Hai:

Dosto ! Jab aapka phone jyada heat hota hai . Aur ek time aisa aata hai jab ek sensor ke dwara processor ko ye pata chlta hai ki phone par heavy task ke wajah se heat jyada ho rha hai toh processor dhire dhire apni efficiency kam karne lgta hai.

Example ke liye agar aapk 30 minute tak ek heavy game khelte hain toh aap game ache se khel pate hai. Lekin whi game aap 3-4 hrs khelenge toh aapko game me thodi problem aayegi kyuki processor apna kaam thoda slow karne lagta hai. Agar processor aisa nahi karega toh wo heat ke wajah se kharab bhi ho skta hai.

Kabhi kabhi aapke screen par message bhi aa sakta hai ki Aapka phone overheat ho gya . Aur phone aapka switch off ho jata hai.

Heating Ke Solutions:

Dosto ! Heating ko kam karne ke liye kuch tips bata rha hun.

#1. Sbse phle toh aap apne phone me ye check kijiye kis app ko jyada use karne se aapka phone heat ho rha hai. Fir aap usko backgraoud running apps se jakar close kar dijiye.

#2. Aap apne phone ko timely update karte rahiye. Aur agar aapke phone me installed apps ke updates aate hain toh usko bhi update karte rahiye.

#3. Charging Ke Time par phone ko jyada use na kare.

#4. Ek sath bahut saare apps ko na use kare. Jarurat na hone par usko close kar dijiye.

तो दोस्तों उम्मीद है की मोबाइल फ़ोन के ओवरहीटिंग के कारण और इसके दूर करने के उपाय आपको समझ में आ गया होगा.